Сафин Рашат Габделбәр улы
Safin Raşat Ğäbdelbär ulı

Tatar milli xäräkäten citäkläüçelärneñ berse, cämäğät eşleklese häm yazuçı.

Safin Raşat kitapları:
Сафин Рашат китаплары:

Tatar yulı (Татар юлы: Татар язмышына геосәяси анализ)

Tatarnıñ açı yazmışlı buluı nindi säbäplärğä barıp totaşa? Millätebezne kiläçäktä närsä kötä? Dönya säxnäsendä ul üz urının niçek bilgelärgä tieş häm keşelek tsivilizatsiyäse üseşendä aña nindi rol'-vazifa yöklätelğän? Avtor älege xezmätendä şuşı soraularğa cavap ezli.

Kitap xäzerğe qatlaulı wazğıyatne añlarğa omtıluçı, imperiyädäğe eçke häm tışkı säyäsätne döres bäyälärğä teläüçe, millät mänfäğatenä tänğäl üseş yulı tabarğa tırışuçı tatar zıyalılarına täqdim itelä. 

UQIRĞA/Укырга

Tatar missiyäse (Татар миссиясе: татар язмышына эзотерик анализ)

Bu dönyağa kilüebez tikmäğä tügel – ayırım şäxeskä dä, här millätkä dä Allah bilgele ber missiä yökläğän. Ägär xalık üzeneñ geotarihi vazifasın añlap häm başkarıp yäşäsä, ul xörlek kiçerä, ozın ğömerle bula.
Tatar missiyäse nidän ğıybarät? XXI ğasırda keşelek iminlege öçen täqdiri cavaplılığıbıznı tanıybızmı? Millätebez bolarğa bäyle burıçların niçek ütärgä tieş? Avtor ukuçını menä şuşı mäsälälär turında bergäläp uylanırğa çakıra.
UQIRĞA/Укырга

Tatar inanuı (Татар инануы: Татар язмышына метафизик анализ)

Tatar yazmışına metafizik analiz.
UQIRĞA/Укырга

Qısqa biografiä

1934 yılnıñ 14 iyünendä Tatastannıñ Kukmara rayonında tuğan. Anda tatar Urta mäktäben tämamlağannan soñ, ukuın xärbi avtouçilişedä (Çiläbe), soñrak, politehnik institutta (Mäskäü) dävam itä. 1955 yıldan ofitser. Otstavkağa çıkkançı (1985), Saranski, Potsdam, Aşhabad, Taşkent, Samarkand, Sızran' kalalarında häm Kara Kom çülendä xezmät itä. Polkovnik, Üzbäkstannıñ atkazanğan tözüçese. 1988 yıldan tatar milli xäräkätendä, Tatar ictimağıy üzägen (TIÜ) oyıştıruçılarnıñ häm anıñ citäkçelärneñ berse. Tatarstanniñ xärbi doktrinası avtorı bularak, 1993 yılda TR delegatsiyäse sostavında NATO ştab-fatirında (Brüssel') uzğan söyläşülärdä katnaşa. 1998 yılda ber törkem zıyalılar oyıştırğan «Tatar yulı» cämğıyäteneñ räise itep saylana. Ul millätebez qıyblasın anıqlauğa bağışlanğan öç kitap («Tatar yulı», «Tatar missiyäse», «Tatar inanuı») häm küpsanlı publitsistik mäqälälär avtorı. 2016 yılnıñ 27 noyabr’ könne, 82 yäşendä Raşat Safin wafat bulğan.

1934-2016
© Safin Raşat Ğäbdelbär ulı